bas ab ek haan ke intezaar me raat yunhi guzar jaayegi,
ab toh bas uljhan hai saath mere neend kahan aayegi,
Subah ki kiran na jaane konsa sandesh laayegi,
rimjhim is gungunayegi ya pyaas adhuri reh jaayegi
ab toh bas saari raat uski yaadein aayegi,
har guzarte pal me uski hi baatein aayegi,
uski shararatein mere chehre pe muskurahat laayegi,
meri aankhein uski jheel si aankhon me doob jaayegi
uski baatein kisi meethi dhun ki tarah kano me ghul jaayegi,
uski masoom si hansi sukun ki tarah dil me utar jaayegi,
mere sanson me woh banke khushbu bas jaayegi,
meri neend me bhi khwab banke woh aayegi
jo aaya mohobbat ka paigam to yeh zindagi sawar jaayegi,
zindagi ke is safar ko ek manzil mil jaayegi,
agar hui ruswai toh zindagi kuch aisi ho jayegi,
zinda rahunga me par zindagi khatam ho jaayegi,
ab toh khuda jaane ya mera sajan ki meri mohobbat kya rang layegi,
Hai ummed ke Chand aur sitaaron si aasman me mukammal ho jaayegi,
jo hui sacchi to mohobbat meri kuch aisa asar kar jaayegi,
Meri Pyar bhari "guzarishein" unhe kubool ho jaayegi........