JANE KAB LAUT K AA JAYE WOH JANE WALA-

apni khud'dari ko harr lamha bachaye rakhna
dost tum zeest ka maiyaar banaye rakhna

maum ki tarha pighal jayega ikk din wo bhi
shart itni hai k lau uss se lagaye rakhna

raah jeene ki nazar aayegi dushwar bohot
hausla dil ka beher haal barhaye rakhna

janey kiss lamhey haqiqat mai badal jayega
khwab palko'n pe hamesha se sajaye rakhna

janey kab laut k aa jaye wo jane wala
shammey ummid nigaho'n mai jalaye rakhna

furqat e yaar ko seh lengey kisi bhi tarrha
sakht mushkil hai magar dill ko bachaye rakhna